Kvikmyndasjóður

Kvikmyndasjóður starfar á vegum Kvikmyndamiðstöðvar Íslands samkvæmt kvikmyndalögum nr. 137/2001 og reglugerð um Kvikmyndasjóð nr. 229/2003 ásamt reglugerð um breytingu á reglugerð nr. 1066/2004. Hlutverk Kvikmyndasjóðs er að efla íslenska kvikmyndagerð með fjárhagslegum stuðningi. Kvikmynd, sem styrkt er af Kvikmyndamiðstöð Íslands, skal hafa íslenska menningarlega skírskotun nema sérstök menningarleg rök leiði til annars.

Kvikmyndamiðstöð Íslands tekur við umsóknum allt árið um kring og er afgreiðslutími allt að átta vikur. Sérstakir kvikmyndaráðgjafar fara yfir umsóknir og tekur forstöðumaður Kvikmyndamiðstöðvar svo endanlega ákvörðun um veitingu fjárstuðnings í samræmi við skilyrði þeirrar reglugerðar sem liggur til grundavallar slíkum úthlutunum.

Veittir eru styrkir til:

• leikinna kvikmynda í fullri lengd til sýninga í kvikmyndahúsum
• til stuttmyndagerðar
• til heimildamyndagerðar
• til leikins sjónvarpsefnis

Umsóknareyðublöð fást á vef Kvikmyndamiðstöðvar eða hjá Kvikmyndamiðstöð Íslands, Túngötu 14, 101 Reykjavík.