Listamannalaun / Starfslaun listamanna
Starfslaunum listamanna er úthlutað samkvæmt lögum um listamannalaun nr. 57/2009 og reglugerð um listamannalaun nr. 834/2009.
Starfslaun listamanna eru veitt úr sex sjóðum: Launasjóði hönnuða, launasjóði myndlistarmanna, launasjóði rithöfunda, launasjóði sviðslistafólks, launasjóði tónlistarflytjenda og launasjóði tónskálda.
Á árinu 2010 veita launasjóðirnir starfslaun og styrki sem hér segir:
- launasjóður hönnuða sem svara til 20 mánaðarlauna
- launasjóður myndlistarmanna sem svara til 360 mánaðarlauna
- launasjóður rithöfunda sem svara til 505 mánaðarlauna
- launasjóður sviðslistafólks sem svara til 160 mánaðarlauna
- launasjóður tónlistarflytjenda sem svara til 150 mánaðarlauna
- launasjóður tónskálda sem svara til 130 mánaðarlauna
Starfslaun eru veitt til 6, 9, 12, 18 eða 24 mánaða. Heimilt er að úthluta starfslaunum til skemmri tíma en hálfs árs, þó aldrei skemur en til þriggja mánaða. Einnig er heimilt að úthluta starfslaunum til lengri tíma, þó aldrei lengur en til 36 mánaða.
- Umsóknarfrestur í ár er 1. október 2010.
Vakin er sérstök athygli á að umsækjendum er gert að sækja um á rafrænu formi á umsóknavef Stjórnarráðsins. Tengingu við umsóknarvefinn er að finna á vefslóðinni listamannalaun.is
- Aðgangur er veittur á kennitölu umsækjanda og verður lykilorð sent viðkomandi á netfang sem hann gefur upp við nýskráningu. Lykilorðinu má breyta eftir innskráningu með því að opna Mínar stillingar.
- Umsækjendur skrá sig inn með kennitölu og lykilorði og velja mennta- og menningarmálaráðuneytið undir flipanum Umsóknir. Þar er umsóknaeyðublað fyrir starfslaun listamanna.
- Svæði merkt rauðri stjörnu verður að fylla út. Umsækjendur geta fylgst með afgreiðslu umsókna sinna með því skrá sig inn á umsóknavefinn.
Nánari upplýsingar veitir skrifstofa stjórnar listamannalauna, sími 562 6388, eða á netfangi listamannalaun@listamannalaun.is
- Fréttatilkynning um úthlutun starfslauna listamanna 2011
- Fréttatilkynning um úthlutun starfslauna listamanna 2009
- Fréttatilkynning um úthlutun starfslauna listamanna 2008
- Fréttatilkynning um úthlutun starfslauna listamanna 2007
- Fréttatilkynning um úthlutun starfslauna listamanna 2006
- Fréttatilkynning um úthlutun starfslauna listamanna 2005
- Fréttatilkynning um úthlutun starfslauna listamanna 2004
- Fréttatilkynning um úthlutun starfslauna listamanna 2003
- Fréttatilkynning um úthlutun starfslauna listamanna 2002
- Fréttatilkynning um úthlutun starfslauna listamanna 2001
- Fréttatilkynning um úthlutun starfslauna listamanna 2000
- Fréttatilkynning um úthlutun starfslauna listamanna 1999