Safnasjóður

Hlutverk safnasjóðs er að styrkja starfsemi safna sem heyra undir safnalög nr. 106/2001. Tekjur sjóðsins eru framlag ríkissjóðs eftir því sem ákveðið er í fjárlögum og önnur framlög. Öll söfn sem undir safnalög falla geta sótt um verkefnastyrki til safnasjóðs. Höfuðsöfn og önnur söfn, sem rekin eru af ríkinu, geta ekki notið styrkja úr safnasjóði. Til þess að geta sótt um rekstrarstyrki þarf safn að uppfylla eftirtalin skilyrði:

• Safnið skal hafa sjálfstæðan fjárhag og vera stjórnað af forstöðumanni í a.m.k. hálfu starfi.
• Safnið skal starfa eftir stofnskrá sem hlotið hefur staðfestingu safnaráðs og skal starfa eftir stefnu sem endurskoðuð er á fjögurra ára fresti.
• Safnið skal rekið óaðfinnanlega að mati safnaráðs og fjárhagsgrundvöllur þess skal vera tryggður.
• Safnið skal vera opið almenningi daglega á auglýstum tíma a.m.k. þrjá mánuði á ári.
• Safnið skal bjóða upp á safnfræðslu eftir því sem við verður komið.
• Safnið skal skrá safngripi eftir viðurkenndu skráningarkerfi.
• Safnið skal fylgja viðurkenndum alþjóðlegum siðareglum safna.
  
  Umsóknareyðublöð og upplýsingar um úthlutanir er að finna á vef Safnaráðs.