Æskulýðssjóður
Æskulýðssjóður Æskulýðssjóður starfar samkvæmt æskulýðslögum nr.70/2007 og reglum um Æskulýðssjóð nr. 60/2008.
Við úthlutun úr Æskulýðssjóði fyrir árið 2011 verður lögð áhersla á umsóknir æskulýðsfélaga og æskulýðssamtaka um verkefni er miða að mannréttindafræðslu og lýðræðislegri þátttöku ungmenna í samfélaginu og samstarfsverkefni æskulýðsfélaga og æskulýðssamtaka.
Hlutverk Æskulýðssjóðs er að styrkja eftirtalin verkefni á vegum æskulýðsfélaga og æskulýðssamtaka:
- Sérstök verkefni sem unnin eru fyrir börn og ungmenni og/eða með virkri þátttöku þeirra.
- Þjálfun forystufólks, leiðbeinenda og sjálfboðaliða.
- Nýjungar og þróunarverkefni.
- Samstarfsverkefni æskulýðsfélaga og æskulýðssamtaka.
Hvorki er heimilt að styrkja árvissa eða fasta viðburði í félagsstarfi, svo sem þing, mót eða þess háttar viðburði, né ferðir hópa.
Mennta- og menningarmálaráðherra úthlutar styrkjum úr Æskulýðssjóði að fengnum tillögum stjórnar Æskulýðssjóðs.
Umsóknarfrestur í Æskulýðssjóð er fjórum sinnum á ári, 1. febrúar, 1. apríl, 1. september og 1. nóvember og er umsókarfrestur auglýstur hverju sinni.
Í umsókn til Æskulýðssjóðs skulu koma fram upplýsingar um:
- nafn æskulýðsfélags eða æskulýðssamtaka
- nafn og heimilisfang umsækjanda
- heiti, lýsing og markmið verkefnis, ásamt kostnaðar- og tímaáætlun
- áætlaðan fjölda þátttakenda
- samstarfsaðila eftir því sem við á
-
kennitölu og númer bankareiknings þess er styrkurinn á að leggjast inn á ef viðkomandi hefur fengið úthlutað styrk.
| Vakin er sérstök athygli á að umsækjendum er gert að sækja um á rafrænu formi á umsóknavef Stjórnarráðsins á vefslóðinni http://umsokn.stjr.is. |
|---|
|
Úthlutanir:
- Fyrsta úthlutun úr Æskulýðssjóði 2011
- Önnur úthlutun úr Æskulýðssjóði 2010
- Fyrsta úthlutun úr Æskulýðssjóði 2010
- Fjórða úthlutun úr Æskulýðssjóði 2009
- Þriðja úthlutun úr Æskulýðssjóði 2009
- Önnur úthlutun úr Æskulýðsjóði 1. apríl 2009
- Fyrsta úthlutun úr Æskulýðssjóði 1. febrúar 2009
- Þriðja úthlútun úr Æskulýðssjóði 1. nóvember 2008
- Önnur úthlutun úr Æskulýðssjóði 1. september 2008
- Fyrsta úthlutun úr Æskulýðssjóði 1. apríl 2008