Menningarmál

Fornleifasjóður

Hlutverk fornleifasjóðs er að stuðla að varðveislu og rannsóknum á fornleifum og forngripum.

Sjóðurinn starfar skv. úthlutunarreglum nr. 73/2004 og eru þessar úthlutunarreglur settar skv. heimild í 24. gr. þjóðminjalaga nr. 107/2001.

Stjórn Fornleifasjóðs úthlutar styrkjum til eftirtalinna verkefna:

fornleifarannsókna
forvörslu
minjaverndar
fornleifaskráningar
annarra verkefna en þeirra, sem þegar hafa verið talin og stjórn fornleifasjóðs metur styrkhæf.

Styrkjum er úthlutað til ákveðins tíma hverju sinni. Nýti styrkþegi ekki styrk innan þess tíma, fellur styrkurinn niður, nema sérstaklega sé sótt um frestun hans. Umsókn um frest skal vera skrifleg og rökstudd.

Auglýst er eftir umsóknum í byrjun árs og þarf umsókn að innihalda lýsingu á verkefni ásamt kostnaðaráætlun. Ekki er um formlegt umsóknareyðublað að ræða en umsókn þarf að innihalda lýsingu á verkefni ásamt kostnaðaráætlun. Sjá úthlutunarreglur nr. 73/2004.

Umsóknir berist menntamálaráðuneyti, Sölvhólsgötu 4, 150 Reykjavík, sími 545 9500, bréfasími 562 3068, postur@mrn.stjr.is.

Auglýsing eftir umsóknum um styrki úr sjóðnum 15. febrúar 2010