Inntökuskilyrði á listnámsbrautir framhaldsskóla - apríl 2000

Eftirfarandi spurning barst menntamálaráðuneytinu:

2) Hvað varðar inntökuskilyrði á listnámbrautir framhaldsskóla kemur fram m.a. að nemendur
þurfa að hafa lagt stund á listnám í grunnskóla eða sérskóla með fullnægjandi árangri. Við hvað er átt?
Hvað þarf grunnskólinn að geta boðið upp á í listavali til að nemendur fái rétt á inngögnu á brautina.

Til þess að fá inngöngu á listnámsbraut þarf nemandi að hafa fengið ákveðna viðmiðunareinkunn í íslensku og stærðfræði.

Auk þess að hafa lagt stund á listnám í grunnskóla eða sérskóla með fullnægjandi árangri. Það er erfitt að segja til um hvað grunnskólinn þarf að geta boðið upp á listavali til þess að fullnægja þessu skilyrði og ekki krafa um að hann geri það beinlínis enda um valgrein að ræða og misjafnt hvað skólar geta boðið upp á. Hins vegar er einnig vísað í viðurkennda sérskóla og er þar t.d. átt við tónlistarskóla, listdansskóla eða mynlistarnám í viðurkenndum sérskólum. Það má benda á að hægt er að viðurkenna nám nemanda í slíkum skólum sem valgrein í grunnskóla. Í flestum tilfellum er hér um að ræða nemendur sem hafa stundað listnám af nokkurri alvöru og hyggja á frekara nám á því sviði í framtíðinni. Varðandi " fullnægjandi árangri " er bent á að þar er vísað í mat viðtökuskóla á því og stöðu nemandans gagnvart náminu. Skylda grunnskólans er fyrst og fremst að bjóða nemendum upp á samræmd próf eins og lögin kveða á um.

(apríl 2000)