Allar auglýsingar
Styrkir úr íþróttasjóði
Menntamálaráðuneyti auglýsir eftir umsóknum um styrki úr Íþróttasjóði sem starfar samkvæmt íþróttalögum nr. 64/1998, sbr. reglugerð nr. 803/2008. Veita má framlög til eftirfarandi verkefna á sviði íþrótta:
- Sérstakra verkefna á vegum íþróttafélaga og samtaka þeirra sem miða að því að bæta aðstöðu til íþróttaiðkana.
- Útbreiðslu- og fræðsluverkefna.
- Íþróttarannsókna.
- Verkefna samkvæmt 13. gr. íþróttalaga.
Athugið
Vegna tæknilegra örðugleika hefur frestur til að skila inn umsóknum um styrk úr íþróttasjóði verið framlengdur til miðnættis föstudagsins 3. október
|
Vakin er sérstök athygli á að umsækjendum er gert að sækja um á rafrænu formi á umsóknavef Stjórnarráðsins á vefslóðinni http://umsoknir.stjr.is.
|
- Nánari upplýsingar veita Pálína Kristín Garðarsdóttir í síma 545 9500 eða í tölvupósti á palina.gardarsdottir@mrn.stjr.is og Guðrún Svansdóttir síma 545 9500 eða í tölvupósti á gudrun.svansdottir@mrn.stjr.is .
Umsóknarfrestur er til og með 3. október 2008.