Framfærslustyrkir til íslenskra námsmanna á Norðurlöndum

Norræna ráðherranefndin og mennta- og menningarmálaráðuneytið auglýsa eftir umsóknum frá íslenskum námsmönnum á Norðurlöndum. Um er ræða framfærslustyrki í 1-3 mánuði sumarið 2010. Alþjóðaskrifstofu háskólastigsins hefur verið falið að annast umsýslu styrkjanna.

Styrkirnir eru ætlaðir námsmönnum sem eru í fjárhagsvanda vegna atvinnuleysis yfir sumarmánuðina og hafa hvorki möguleika á námslánafyrirgreiðslu né rétt á atvinnuleysis-bótum.

Styrkirnir eru jafnframt ætlaðir námsmönnum sem eru að hefja nám á Norðurlöndum haustið 2010 og eru án atvinnu í sumar.

Skilyrði umsóknar:

• Umsækjandi er íslenskur ríkisborgari við nám eða á leið í nám í skóla á Norðurlöndum.
• Nám umsækjanda er lánshæft skv. úthlutunarreglum Lánasjóðs íslenskra námsmanna
• Umsækjandi fær ekki námslán fyrir meira en 60 ECTS einingum á námsárinu.
• Umsækjandi er ekki í lánshæfu sumarnámi.
• Umsækjandi er án atvinnu og á ekki rétt á atvinnuleysisbótum.

Umsóknareyðublöð, leiðbeiningar og nánari upplýsingar verður að finna á vef Alþjóðaskrifstofu háskólastigsins ekki síðar en 10. maí nk.

Umsóknarfrestur er til 15. júní 2010.