Skrifað var undir samning mennta- og menningarmálaráðuneytis og Þórbergsseturs
Skrifað var undir samning mennta- og menningarmálaráðuneytis og Þórbergsseturs þann 5. maí síðastliðinn. Þórbergssetur er fræðasetur á fæðingarstað Þórbergs Þórðarsonar að Hala í Suðursveit. Þar er sýning um Þórberg Þórðarson og leitast við að fræða gesti um líf hans og list og að varpa ljósi á þá alþýðumenningu sem birtist í verkum listamannsins. Mennta- og menningarmálamálaráðherra heimsótti setrið af þessu tilefni en Fjölnir Torfason og Þorbjörg Arnórsdóttir á Hala tóku á móti gestum frá ráðuneytinu og frá sveitarfélaginu Hornafirði. Á leiðinni austur stoppaði ráðherra á Byggðasafninu á Skógum og kannaði aðstæður vegna öskufalls en ljóst er að eldgosið í Eyjafjallajökli hefur veruleg áhrif á starfsemi safnsins. Þórður Tómasson og Sverrir Magnússon tóku á móti ráðherra.