Bréf til foreldra barna sem fædd eru árið 2002
Reykjavík 21. maí 2008
Kæru foreldrar/forráðamenn
Haustið 2008 hefst skólaganga flestra þeirra barna sem fædd eru á árinu 2002. Í huga barna er þetta
einn af merkisáföngunum í lífi þeirra. Mörg börn hlakka mikið til að læra að lesa og víst er að miklu
skiptir að börn nái sem bestum tökum á lestri. Hlutverk okkar foreldra í lestrarnáminu er svo mikilvægt
að við ættum að leggja okkur fram um að styðja ötullega við nám barna okkar og hvetja þau í hvívetna.
Meðfylgjandi er bæklingur sem ber heitið Það er gaman að lesa. Í honum er bent á mikilvægi lestrar
og þess að foreldrar lesi fyrir og með börnum sínum. Einnig er þar fjallað um þætti sem gott er að hafa
í huga í tengslum við lestrarnám barna. Fleiri hugmyndir tengdar lestrarnámi og heimalestri má finna á
vefnum lesvefurinn.khi.is en sá vefur er unninn af Kennaraháskóla Íslands fyrir menntamálaráðuneyti.
Ég hef ákveðið að senda foreldrum allra barna sem fædd eru árið 2002 þessar upplýsingar í von um að
það verði þeim hvatning til að styðja sem best við lestrarnám barna sinna.
Með von um að skólaganga barnsins verði árangursrík og skemmtileg.
Þorgerður Katrín Gunnarsdóttir
- Það er gaman að lesa (PDF- 24 MB)