Menntadagur atvinnulífsins 2015

Illugi Gunnarsson mennta- og menningarmálaráðherra tók þátt í ráðstefnunni, ávarpaði gesti og afhenti Menntaverðlaun atvinnulífsins 2015

Menntadagur atvinnulífsins 2015var haldinn fimmtudaginn 19. febrúar. Af því tilefni efndu samtök í atvinnulífinu til ráðstefnu á Hilton Reykjavík Nordica þar sem fjallað var um deigluna í menntakerfinu, breytingar á starfsnámi, framlag fyrirtækja til menntamála og ávinning af menntun. Þá voru haldnar sk. menntastofur, þar sem samtökin, sem standa að deginum kynntu áherslur sínar í menntamálum og svöruðu fyrirspurnum.

Illugi Gunnarsson mennta- og menningarmálaráðherra tók þátt í ráðstefnunni, ávarpaði gesti og afhenti Menntaverðlaun atvinnulífsins 2015, sem Marel hlaut að þessu sinni. Sprotaverðlaunin hlaut Sildarvinnslan á Neskaupstað. Menntadagur atvinnulífsins er samstarfsverkefni SAF, SFF, SFS, Samorku, SI, SVÞ og SA.

Sigríður Þrúður Stefánsdóttir (efri mynd) tók við verðlaununum fyrir hönd Marel og Gunnþór Ingvason fyrir hönd Síldarvinnslunnar.