Heimsókn í Gljúfrastein

Illugi Gunnarsson mennta- og menningarmálaráherra heimsótti Gljúfrastein

Gljúfrasteinn var heimili og vinnustaður Halldórs Laxness og fjölskyldu hans um hálfrar aldar skeið en var opnað almenningi sem safn í september 2004. Í heimsókn ráðherra var rætt um starfsemina í Gljúfrasteini og framtíðaráform um uppbyggingu hennar. Á þessu ári eru 60 ár liðin frá því að Halldór Laxness hlaut bókmenntaverðlaun Nóbels og þess verður minnst með ýmsum hætti. Á myndinni eru Bryndís Haraldsdóttir bæjarfulltrúi og Haraldur Sverrisson bæjarstjóri í Mosfellsbæ, Illugi Gunnarsson mennta- og menningarmálaráðherra og Guðný Dóra Gestsdóttir forstöðumaður Gljúfrasteins.