Æskan - rödd framtíðar 28. - 30. október 2010
Eitt af helstu verkefnum Íslands á formennskuári í Norrænu ráðherranefndinni 2009 var framkvæmd samanburðarrannsóknar á högum, líðan og lífsstíl meðal norrænna ungmenna, 16-19 ára. Rannsóknin var gerð á öllum Norðurlöndunum, þ.m.t. Færeyjum Grænlandi og Álandseyjum.
28. - 30. október mun ráðuneytið standa fyrir ráðstefnu þar sem niðurstöður rannsóknarinnar verða kynntar. Kynningu á niðurstöðunum verður fylgt eftir með fyrirlestrum og málstofum þar sem stjórnmálamenn, fræðimenn og aðrir sem tengjast ungu fólki munu fjalla um hvernig á að halda áfram að vinna að framkvæmd núverandi stefnu og hvernig hægt er að auðvelda aukna samvirkni milli stefnu og aðgerða Norðurlanda í málefnum ungmenna.
Málstofur á ráðstefnunni munu fjalla um:
- Tungumál og menningu,
- Menntun og tölvunotkun,
- Jafnrétti, lífsstíl og þátttöku í íþrótta- og æskulýðsstarfi
- Áhættuhegðun og vímuefni
- Andlega heilsu á unglingsárum.
Tungumál ráðstefnunnar er enska.
Á ráðstefnunni verða settar fram hugmyndir um áframhaldandi vinnu við framkvæmd núverandi stefnu í æskulýðsmálum innan Norrænu ráðherranefndarinnar í átt að því markmiði að Norðurlöndin ættu að vera á besti staður í heimi fyrir ungt fólk.
- The Nordic Youth Research 2010 - among 16 to 19 year old in Åland Islands, Denmark, Faroe Islands, Finland, Greenland, Iceland, Norway and Sweden
- Appendix
- Nordic youth study - Slides
Allar frekari upplýsingar um ráðstefnuna má finna á vefsíðunni www.nyr2010.is