Skrifstofa menningarmála undirbýr mótun menningarstefnu, hefur umsjón með framkvæmd hennar og annast almenna stjórnsýslu á sviði menningarmála.

Þar er m.a. fjallað um málefni lista og menningararfs, fjölmiðlamál og mál er varða íþrótta- og æskulýðsstarfsemi. Á verksviði skrifstofunnar er m.a. samskipti við opinberar menningarstofnanir og söfn, sveitarfélög, íþróttahreyfingar og önnur félagasamtök, fyrirtæki og einstaklinga.

Skrifstofan hefur ennfremur umsjón með opinberum stuðningi við lista- og menningarlíf, þ.á.m. starfrækslu sjóða til stuðnings við listum og menningarstarfi.