Fjölmiðlamál

Mennta- og menningarmálaráðuneyti fer með fjölmiðlamál samkvæmt 10. gr. reglugerðar nr. 3/2004 um Stjórnarráð Íslands.

Undir ráðuneyti heyra Ríkisútvarpið ohf. og útvarpsréttarnefnd sem m.a. veitir lögaðilum og einstaklingum tímabundið leyfi til útvarpsrekstrar. Ríkisútvarpið ohf. er sjálfstætt hlutafélag í eigu íslenska ríkisins, en menntamálaráðherra fer með eignarhlut íslenska ríkisins í Ríkisútvarpinu ohf. Útvarpsréttarnefnd er sjálfstæð stjórnsýslunefnd og sæta ákvarðanir hennar sem eru fullnaðarúrlausnir á stjórnsýslusviði, ekki stjórnsýslukæru.

Ísland er aðili að Evrópuráðinu og fer ráðuneytið með aðild Íslands að stýrinefnd Evrópuráðsins um fjölmiðla og nýja miðla (CDMC). Næsti ráðherrafundur Evrópuráðsins um fjölmiðla og nýja miðlun verður haldinn í Reykjavík í maí 2009.

Ráðuneyti fylgist með tilskipunum um útvarpsmál og sér um að innleiða tilskipanir og breytingar á þeim í íslensk lög. Unnið hefur verið að breytingum á tilskipun 89/552/EBE undanfarin ár og er áætlað að breytingar á henni taki gildi í lok árs 2007 og verði þá innleiddar í íslensk lög.

Ráðuneyti tekur þátt í samstarfi Evrópuþjóða innan Evrópska efnahagssvæðisins á sviði hljóð- og myndmiðlunar. Þá er ráðuneytið í samstarfi norrænna ráðuneyta á sviði fjölmiðlamála. Norrænu ráðuneytin hittist einu sinni til tvisvar á ári og ræða þróun í fjölmiðlamálum og samstarf Norðurlandanna á því sviði.

• Tillögur starfshóps mennta- og menningarmálaráðherra um almannaútvarp á Íslandi (PDF)
• Skýrsla nefndar menntamálaráðherra um íslenska fjölmiðla
• Greinargerð nefndar menntamálaráðherra um eignarhald á fjölmiðlum á Íslandi 2004
• Útvarpslög nr. 53/2000
• Lög nr. 6/2007 um Ríkisútvarpið ohf.
• Reglugerð um útvarpsstarfsemi nr. 50/2002
• Samningur um útvarpsþjónustu í almannaþágu
• Reglur um mat á útvarpsþjónustu í almannaþágu

• Vefur Evrópuráðsins um fjölmiðla

  ---

• Málþing um nýja sjónvarpstilskipun ESB

• Ný sjónvarpstilskipun Evrópuþingsins og ráðsins, 2007/65EB - Enska (PDF)

• Ný sjónvarpstilskipun Evrópuþingsins og ráðsins, 2007/65/EB - Íslenska (PDF)

• Tilskipun nr. 2007/65/EBE - minnisblað (PDF)