Framhaldsfræðsla

Mennta- og menningarmálaráðuneytið vill auðvelda fólki aðgengi að námi og auka þátttöku fullorðinna í námi. Mikilvægt er að fullorðnir sem ekki hafa lokið formlegu námi á framhaldsskólastigi eigi kost á öðru tækifæri til náms og fái jafnframt fyrra nám, námskeið og hvers kyns lífs- og starfsreynslu metna til styttingar á námi til fullra námsloka.

Ráðuneytið telur mikilvægt að fólk tileinki sér þá hugsun að menntun er æviverk sem í reynd stendur yfir frá vöggu til grafar. Nám fer ekki eingöngu fram í skólastofunni, heldur einnig á vinnustað, í félagsstörfum, í hversdagslífinu og hvarvetna þar sem fólk dregur lærdóm af nýrri reynslu.

• Til þess að ná ofangreindum markmiðum styrkir ráðuneytið starf fræðslu- og símenntunarmiðstöðva á ýmsan hátt, fyrir utan að gera framhaldsskólum kleift að bjóða upp á nám í öldungadeildum.
• Ráðuneytið hefur þjónustusamning við Fræðslumiðstöð atvinnulífsins sem hefur það markmið að efla fullorðinsfræðslu og starfsmenntun í samstarfi við aðrar fræðslustofnanir á vegum aðildarsamtaka Alþýðusambands Íslands og Samtaka atvinnulífsins.
• Þá styrkir ráðuneytið árlega starf níu símenntunarmiðstöðva á landsbyggðinni og tveggja á höfuðborgarsvæðinu.
• Ráðuneytið hefur styrkt ýmisskonar þróunarverkefni sem miðast að því að fullorðnum gefist kostur á svo kölluðu raunfærnimati, mati á fyrra námi og starfsreynslu.
• Einnig styrkir ráðuneytið íslenskukennslu fólks af erlendum uppruna sem sest hefur að hér á landi.
• Leiðbeiningar um skráningu lögheimilis í Þjóðskrá: enska (PDF - 42KB), litháiska (PDF162KB), pólska (PDF- 116KB), rússneska (PDF -335KB), serbneska (PDF - 182KB), spænska (PDF - 248KB), taílenska (PDF - 168KB),