Framhaldsskólar

Þeir sem lokið hafa grunnskólanámi, hafa hlotið jafngilda undirstöðumenntun eða hafa náð 16 ára aldri eiga rétt á að hefja nám í framhaldsskóla. Þeir eiga jafnframt rétt á því að stunda nám í framhaldsskóla til 18 ára aldurs vegna fræðsluskyldu við ólögráða nemendur.

Allir nemendur eiga rétt á námi við sitt hæfi í samræmi við óskir og hæfni. Framhaldsskólar bjóða nú upp á:

Um það bil 100 námsbrautir,
þar af 87 starfsnámsbrautir.
Námsbrautirnar eru ólíkar að lengd og inntaki en námslengd getur verið frá einni til tíu anna.
Af öllum námsbrautum eru leiðir til frekara náms.

Innritun í framhaldsskóla er tvisvar á ári, í nóvember fyrir vorönn, í júní fyrir haustönn.

Allt er þetta miðað við skólana eins og þeir eru núna. Þetta þarf hins vegar að endurskoða fyrir hverja innritun. Lagaklausan um innritunina er tekin upp en stytt og orðið fræðsluskylda sett inn.

Sjóðir og eyðublöð

Útgefið efni

Mat og úttektir

Úttekt á þróunarverkefni Kvennaskólans í Reykjavík 2008 - 2010 : skýrsla unnin fyrir mennta- og menningarmálaráðuneytið [Eingöngu á rafrænu formi]

Fréttir

Innritun í framhaldsskóla fyrir haustönn 2010

Innritun í dagskóla er rafræn og fer fram á Menntagátt og verður sem hér segir:

12. - 17. apríl (framlenging til 21. apríl)

Forinnritun nemenda í 10. bekk (fæddir 1994 eða síðar). Nemendur fá bréf frá ráðuneytinu með veflykli og leiðbeiningum. Ráðuneytið hvetur nemendur eindregið til að taka þátt í forinnrituninni.

20. apríl til 31. maí

Innritun eldri nemenda (fæddir 1993 eða fyrr) sem ekki eru nú í framhaldsskóla eða ætla að skipta um skóla. Umsækjendur geta nálgast veflykil á Menntagátt.

7. til 11. júní

Lokafrestur 10. bekkinga til að innrita sig eða breyta umsóknum úr forinnritun. Einkunnir nemenda verða sendar rafrænt til þeirra skóla sem þeir völdu á miðnætti 11. júní.

Starfsbrautir fyrir fatlaða

Innritun á starfsbrautir fyrir fatlaða nemendur er ekki rafræn. Þeir sem ekki hafa þegar sótt um geta sent framhaldsskólum skriflega umsókn fyrir 16. apríl næstkomandi. Umsóknum um nám á starfsbrautum verður svarað í síðasta lagi í lok apríl.

Nánari upplýsingar eru veittar í mennta- og menningarmálaráðuneytinu og á www.menntagatt.is.