Úrslit 2010

• Úrslit í keppnishluta (PDF)
  
  
  
  

Lokahátíð Íþróttavakningar framhaldsskólanna 2010 fór fram í íþróttahúsinu Smáranum, Kópavogi, föstudaginn 19. mars á milli kl. 12-16. Þar verður keppt til úrslita í futsal, körfubolta, blaki, sundi og frjálsum íþróttum. Einnig var háð prufukeppni í svokallaðri framhaldshreysti í fyrsta skipti hér á landi.

Ýmsar uppákomur verða í boði t.d. verður dregið úr happdrættisvinningum á klukkutíma fresti, og íþróttaskóli ársins krýndur.

      

	Íþróttavakning framhaldsskólanna 2010 Smárinn – dagskrá föstudaginn 19. mars 2010
09.00	Undanúrslit í Futzal
11.00	Undanúrslit í körfubolta
13.45	Daddi diskó spilar dúndrandi tónlist til 17.30
14.00	Bergur Ebbi kynnir
14.10	Framhaldshreysti – upphífingar og dýfur
14.10	Úrslitaleikur í körfubolta karla
14.10	Kúluvarp og spretthlaup
14.40	Úslitaleikur í Futsal kvenna
14.40	Hástökk og langstökk
15.10	Uppistand – Ari Eldjárn
15.25	Framhaldshreysti – hraðabrautin
15.25	Undanúrslit í blaki – MK gegn FVA
15.55	Undanúrslit í blaki – VMA gegn Versló
15.55	Úrslitaleikur í körfubolta kvenna
16.25	Verðlaunaafhending hefst . Menntamálaráðherra afhendir verðlaun
16.30	Uppistand – Nadía
16.45	Úrslitaleikur í futsal karla
17.15	Úrslitaleikur í blaki og leikur um 3. sætið
17.15	Frjálsar – boðhlaup, 4 x 50 metra hlaup
17.35	Hátíðarslit og verðlaunaafhending

ATHUGIÐ! Kl. 12.30 Keppni í 4 x 50 metra boðsundi í Laugardalslauginni.

Myndir frá Íþróttavakningunni 2010

Myndir frá Íþróttavakningunni 2009

Þetta er í annað skiptið sem Íþróttavakning framhaldsskólanna er haldin, í fyrra tóku rúmlega 8000 nemendur úr rúmlega 20 framhaldsskólum þátt í átakinu og titilinn Íþróttaskóli ársins 2009 hlaut Menntaskólinn á Laugarvatni. Tilgangurinn með átakinu er fyrst og fremst sá að fá sem flesta framhaldsskólanema til að hreyfa sig á hverjum degi og þar með hvetja nemendur til þess að auka vægi hreyfingar í daglegu lífi sem leiðir svo aftur til bættrar heilsu nemenda og meiri árangurs í lífi og starfi. Þetta er keppni sem felst í því að skólarnir fá stig fyrir hvern nemanda sem tekur þátt í fyrirfram skipulagðri hreyfingu og einnig fyrir árangur í íþróttakeppnunum.

Átakið felst í eftirfarandi:

Frítt í sund

• Frítt í sund stendur yfir dagana 22.-28. febrúar 2010. Þá gefst öllum framhaldsskólanemendum kostur á að vinna stig fyrir skólann sinn með því að synda 200 metra á dag þessa einu viku. Nemendur eiga að framvísa nemendaskírteinum eða einhverju sem tengist skólanum sínum og þar með frá þeir frítt í sund, en sveitarfélögin þar sem framhaldsskólar eru staðsettir, hafa í samstarfi við mennta- og menningarmálaráðuneytið ákveðið að veita nemendum ókeypis aðgang að sundlaugum.

Allir hvattir til að hreyfa sig 3. mars

• Í mars munu svokallaðir "fyrirliðar" í skólunum og nemendafélög framhaldsskólanna í samvinnu við íþróttakennara standa fyrir tveimur hreyfiuppákomum sem krefjast hreyfingar nemenda. Þeir nemendur sem taka þátt safna stigum fyrir skólann sinn. Fyrri uppákoman mun eiga sér stað 3. mars, en þá eru nemendur allra framhaldsskóla á landinu hvattir til að hreyfa sig í 40 mínútur. Það er undir skólunum komið hvers konar hreyfingu þeir skipuleggja, en hún getur verið margþætt t.d. ratleikur, hlaup, skíði, fjallgöngur og  skautar svo eitthvað sé nefnt.

Íþróttamót

• Keppnir í einstaka íþróttagreinum á milli skólanna hófust í byrjun febrúar og hafa sérsamböndin nú þegar auglýst eftir þátttöku nemenda í sundi, frjálsíþróttum, blaki, körfubolta og futsal. Úrslit í einstaka keppnum gefa skólunum stig, sem reiknast inn í heildarstigafjöldann.

Til baka

Úrslit 2009

• Sund
• 3 kílómetra ganga
• Keppnisíþróttir
• Almennur hluti