Skipurit
Ráðuneytinu er skipt í þrjár skrifstofur og fjögur svið
Meginákvæði þau sem mennta- og menningarmálaráðuneyti starfar eftir eru í lögum nr. 73 frá 28. maí 1969, um Stjórnarráð Íslands, með síðari breytingum, og reglugerð samkvæmt þeim, nr. 3 frá 1. febrúar 2004. Samkvæmt lögunum kveður ráðherra á um skiptingu ráðuneytisins í skrifstofur og deildir eftir verkefnum.
Skipulag ráðuneytisins er í meginatriðum þannig:
- Ráðuneytisstjóri stýrir ráðuneytinu undir yfirstjórn ráðherra, sem setur honum erindisbréf. Ráðherra felur einum skrifstofustjóra ráðuneytisins að vera staðgengill ráðuneytisstjóra.
- Með ráðherra starfar aðstoðarmaður og eftir atvikum ráðunautar við sérstök verkefni.
- Skrifstofu eða sviði ráðuneytis stýrir skrifstofustjóri og deild deildarstjóri undir umsjón ráðuneytisstjóra.
- Sérfræðingar starfa innan einstakra skrifstofa eða sviða. Sama gildir um annað starfslið. Skrifstofustjórum er sett erindisbréf en deildarstjórar og sérfræðingar starfa skv. starfslýsingu.
Ráðuneytið starfar sem ein heild og skiptist í þrjár skrifstofur og þrjú svið. Skrifstofurnar eru skrifstofa menningarmála, skrifstofa menntamála og skrifstofa vísinda- og háskólamála. Sviðin eru upplýsinga- og fjármálasvið, lögfræðisvið og mats- og greiningarsvið. Ráðuneytisstjóri annast samræmingu á starfsemi skrifstofa og sviða og felur einum starfsmanna hverrar skrifstofu og sviðs staðgöngu fyrir skrifstofustjóra í fjarveru hans. Ráðuneytisstjóri og skrifstofustjórar sjá um miðlun upplýsinga til ráðherra.