Yfirlit

• Skrifstofa yfirstjórnar
• Upplýsinga- og fjármálasvið
• Lögfræðisvið
• Mats- og greiningarsvið
• Skrifstofa menningarmála
• Skrifstofa menntamála
• Skrifstofa vísinda og háskóla
•  
• Verkefnaráðið starfsfólk
• Fulltrúar í Brussel

Mælst er til þess að allar almennar fyrirspurnir berist á postur@mrn.is

Vinsamlega athugið að netföngin eru ekki virk. Það er gert til að sporna við ruslpósti. Til að virkja netfang er það afritað og hjá breytt í @.

• Starfsfólk eftir stafrófsröð

Skrifstofa yfirstjórnar

Katrín Jakobsdóttir er mennta- og menningarmálaráðherra og ráðuneytisstjóri Ásta Magnúsdóttir. Ráðuneytið starfar sem ein heild og skiptist í fjórar skrifstofur og þrjú svið. Skrifstofurnar eru skrifstofa yfirstjórnar, skrifstofa menningarmála, skrifstofa menntamála og skrifstofa vísinda og háskóla. Sviðin eru upplýsing- og fjármálasvið, lögfræðisvið, mats- og greiningarsvið.

Ráðuneytisstjóri annast samræmingu á starfsemi skrifstofa og sviða. Ráðuneytisstjóri stýrir einnig skrifstofu yfirstjórnar en hún fer með  yfirstjórn stefnumótunar og þróunarmála og annast samhæfingu verkefna ráðuneytisins sem varða stofnanir, undirbúning löggjafar og alþjóðasamstarf. Undir skrifstofuna heyra einnig almannatengsl og innri gæðamál ráðuneytisins. Ráðuneytisstjóri felur einum starfsmanna hverrar skrifstofu og sviðs staðgöngu fyrir skrifstofustjóra í fjarveru hans. Ráðuneytisstjóri og skrifstofustjórar sjá um miðlun upplýsinga til ráðherra.

 Lögfræðisvið

Lögfræðisvið undirbýr ákvarðanir um lögfræðileg málefni og veitir lögfræðilega ráðgjöf innan ráðuneytisins. Lögfræðisvið hefur yfirumsjón með samningu lagafrumvarpa og reglugerða og undirbúningi stjórnsýsluúrskurða, auk þess sem það fer með samskipti við skrifstofu Alþingis. Lögfræðisvið hefur af hálfu ráðuneytisins umsjón með lögformlegri framkvæmd EES-samningsins og alþjóðlegra samninga sem heyra undir ráðuneytið og Ísland er aðili að. Sviðið fer með starfsmannamál stofnana sem heyra undir ráðuneytið eftir því sem við á.

Mats- og greiningarsvið

Mats- og greiningarsvið hefur umsjón með framkvæmd gæðamats og eftirliti með gæðastarfi í menntastofnunum á öllum skólastigum eins og mælt er fyrir um í lögum og reglugerðum, þar með talið mati á rannsóknum í háskóla- og rannsóknastofnunum. Mats- og greiningarsvið vinnur jafnframt að þróun aðferða við gæða- og árangursmat vegna starfsemi menningar-, mennta- og vísindamála.

Mats- og greiningarsvið, í samstarfi við aðrar skrifstofur og svið, annast öflun og úrvinnslu þeirra gagna og upplýsinga sem við á hverju sinni til að tryggja yfirsýn og undirbyggja almenna stefnumótun í málaflokkum sem ráðuneytið fer með.

Skrifstofa menningarmála

Skrifstofa menningarmála undirbýr mótun menningarstefnu, hefur umsjón með framkvæmd hennar og annast almenna stjórnsýslu á sviði menningarmála. Þar er m.a. fjallað um málefni lista og menningararfs, íslenska tungu, fjölmiðlamál og mál er varða íþrótta- og æskulýðsstarfsemi. Á verksviði skrifstofunnar eru m.a. samskipti við opinberar menningarstofnanir og söfn, sveitarfélög, íþróttahreyfingar og önnur félagasamtök, fyrirtæki og einstaklinga. Skrifstofan hefur umsjón með opinberum stuðningi við listir og menningarlíf.

Skrifstofa menntamála

Skrifstofa menntamála fjallar um málefni leik-, grunn- og framhaldsskólastigs, annast námskrárgerð fyrir þessi skólastig, og sinnir málefnum um framhaldsfræðslu og starfsmenntun. Skrifstofan stýrir og tekur þátt í að móta almenna stefnu í þessum málaflokkum, hefur umsjón með framkvæmd hennar og annast almenna stjórnsýslu. Skrifstofa menntamála er einnig í forsvari fyrir gerð og framkvæmd samninga um málefni sem falla undir málaflokkinn. Skrifstofa menntamála hefur jafnframt frumkvæði í þróun nýjunga í skólastarfi, m.a. á sviði upplýsingatækni, fjarkennslu og útgáfu námsgagna.

Skrifstofa vísinda og háskóla

Skrifstofa vísinda- og háskóla fjallar um málefni háskólastigsins og annast almenna stjórnsýslu á sviði vísinda, rannsókna- og nýsköpunar. Hún undirbýr mótun stefnu í málefnum háskóla og hefur umsjón með framkvæmd hennar. Á skrifstofunni fer fram undirbúningur og ráðgjöf vegna stefnumótunar á vegum Vísinda- og tækniráðs. Skrifstofa vísinda og háskóla hefur umsjón með starfi Vísinda- og tækniráðs og vísindanefndar og annast samþættingu vísinda, rannsókna og nýsköpunar við mótun og framkvæmd menntastefnu.

Upplýsinga- og fjármálasvið

Upplýsinga- og fjármálasvið fer með málefni er varða fjárlagagerð og framkvæmd fjárlaga, áætl­ana­gerð vegna rekstrar, stofnkostnaðar og tilfærslna sem tengjast aðalskrifstofu ráðu­neytisins og undirstofnunum og fjárlagaliðum sem ráðuneytinu tilheyra. Upplýsinga- og fjármálasvið hefur umsjón með samningagerð um fjárhagsmálefni og framkvæmdir á vegum ráðu­neytisins. Jafnframt hefur upplýsinga- og fjármálasvið umsjón með fjárreiðum og rekstri ráðu­neytisins og annast framkvæmd kjarasamninga fyrir þess hönd. Upplýsinga- og fjármálasvið annast upplýsingamiðlun, þar með talið innri og ytri vef ráðuneytisins, útgáfumál og umsýslu með gæðastjórnun og gæðakerfi, í samstarfi við skrifstofu yfirstjórnar.

Upplýsinga- og fjármálasvið hefur umsjón með skjala- og gagnastjórn og þróun upplýsingatæknimála. Undir starfsemi upplýsinga- og fjármálasviðs fellur jafnframt móttaka ráðuneytisins, innkaup og sameiginleg þjónusta. Sviðið fer með starfsmannamál, þ.m.t. endurmenntun og starfsþróun. Það sinnir almennum verkefnum sem miða að því að móta og bæta starfs­umhverfi og starfshætti innan ráðuneytisins.

Verkefnaráðið starfsfólk

Fulltrúar í Brussel