Styrkir til háskólanáms og rannsókna í Finnlandi

Finnsk stjórnvöld bjóða fram styrki til háskólanáms eða rannsóknarstarfa. Styrkirnir eru til 3-9 mánaða dvalar. Íslenskum námsmönnum gefst kostur á að sækja um styrkina en ekki er vitað fyrirfram hvort einhver þeirra kemur í hlut Íslendinga.

Skilyrði
Styrkirnir eru ætlaðir námsmönnum sem lokið hafa BA - eða BS - prófi eða öðru sambærilegu prófi eða kandidötum til framhaldsnáms eða rannsóknarstarfa.

Styrkfjárhæð
er áætluð um 725 evrur á mánuði.

Umsóknarfrestur
er til 15. desember 2004, fyrir skólaárið 2005-2006.

Nánari upplýsingar
og umsóknareyðublöð fást í menntamálaráðuneytinu, Sölvhólsgötu 4, 150 Reykjavík (sími: 545 9500, bréfasími 562 3068, netfang: postur@mrn.stjr.is) og á vefsíðu CIMO (Centret for International Mobility) http://finland.cimo.fi/scholarships.html. Ráðuneytið sér um að auglýsa styrkinn og er auglýsingin birt í Morgunblaðinu og á vef menntamálaráðuneytis