Matvæla-, veitinga- og ferðaþjónustugreinar

Nám í matvæla- og veitingagreinum hefst með einnar annar sameiginlegu grunnnámi en að því loknu velja nemendur sérnám í bakaraiðn, framreiðslu, kjötiðn eða matreiðslu. Þessar greinar eru löggiltar iðngreinar. Námið er samningsbundið og lýkur með sveinsprófi. Það veitir rétt til starfa í iðninni og til inngöngu í nám til iðnmeistaraprófs:

• Bakaraiðn — 3 annir í skóla og 126 vikna starfsþjálfun.
• Framreiðsla — 3 annir í skóla og 80 vikna starfsþjálfun.
• Kjötiðn — 3 annir í skóla og 126 vikna starfsþjálfun.
• Matreiðsla — 3 annir í skóla og 126 vikna starfsþjálfun.

Eftirfarandi námsbraut er löggilt starfsgrein á heilbrigðissviði. Skóli brautskráir en heilbrigðis- og tryggingamálaráðuneyti veitir starfsréttindi.

• Matartækni —  3 annir í skóla og 80 vikna starfsþjálfun.

Eftirfarandi námsbrautir veita nemendum almenna menntun ásamt þekkingu og færni í grunnþáttum starfsins:

• Hússtjórnarbraut — 2 annir í skóla.
• Matsveinanám — 1 önn í skóla og 24 vikna starfsþjálfun. Ekki er skylt að hafa lokið grunnnámi í matvæla- og veitingagreinum.
• Nám í kjötskurði —  2 annir í skóla og 80 vikna starfsþjálfun. Að námi loknu gefst nemendum kostur á að halda áfram sérnámi til sveinsprófs í kjötiðn.
• Nám fyrir aðstoðarþjóna —  2 annir í skóla og 12 vikna starfsþjálfun. Að námi loknu gefst nemendum kostur á að halda áfram sérnámi til sveinsprófs í framreiðslu.
• Nám í slátrun —  1 önn í skóla og 24 vikna starfsþjálfun. Ekki er skylt að hafa lokið grunnnámi í matvæla- og veitingagreinum.
• Nám fyrir aðstoðarkokka —  2 annir í skóla og 52 vikna starfsþjálfun.
• Smurbrauðsnám —  3 annir í skóla og 80 vikna starfsþjálfun.

Á sviði ferðaþjónustu er um að ræða tvær námsbrautir. Um báðar brautirnar gildir að nemandi þarf að vera tvítugur og hafa lokið haldgóðu undirstöðunámi, stúdentsprófi eða hliðstæðu námi.

• Leiðsögunám —  2 annir í skóla.
• Starfsnám í ferðamálafræðum —  2 annir í skóla og 12 vikna starfsþjálfun.

• Aðalnámskrá framhaldsskóla: Matvæla- og veitingagreinar — grunnnám matvæla- og veitingagreina, námsbraut í bakaraiðn, námsbraut í framreiðslu, námsbraut fyrir aðstoðarþjóna, námsbraut í kjötiðn, námsbraut í kjötskurði, námsbraut í slátrun, námsbraut í matreiðslu, námsbraut í matartækni, námsbraut í smurbrauði, námsbraut fyrir aðstoðarkokka, námsbraut fyrir matsveina  2004
  
• Leiðsögunám 2004
• Aðalnámskrá framhaldsskóla: Starfsnám í ferðamálafræðum 2004
  
• Starfsgreinaráð