Dagur íslenskrar tungu - Dagskrá mennta- og menningarmálaráðherra

Síðastliðin ár hefur skapast sú hefð að mennta- og menningarmálaráðherra heimsækir skóla og menningarstofnanir í einu ákveðnu sveitarfélagi á degi íslenskrar tungu.

Síðastliðin ár hefur skapast sú hefð að mennta- og menningarmálaráðherra heimsækir skóla og menningarstofnanir í einu ákveðnu sveitarfélagi á degi íslenskrar tungu. Hátíðardagskrá og afhending Verðlauna Jónasar Hallgrímssonar er einnig haldin í því sveitarfélagi. Síðustu tvö ár hefur menntamálaráðherra heimsótt Akureyri og Borgarnes og nú í ár verður Katrín Jakobsdóttir í Breiðholti í Reykjavík. Ráðherra mun heimsækja skóla í Breiðholti og víðar og opna  ISLEX-veforðabókina í Norræna húsinu.

Dagskrá mennta- og menningarmálaráðherra 16. nóvember

• 09:00 –10:00    Heimsókn í Fellaskóla, Norðurfelli 17 – 19, samkoma barna og eldri 
                              borgara í tilefni af degi íslenskrar tungu.
• 10:00 – 10:30   Fellaskóli skoðaður, áhersla á íslensku sem annað mál og kennslu
                              innflytjenda.
• 10:40 – 11:20   Heimsókn í leikskólann Holt, Völvufelli 9, áhersla á íslensku sem
                              annað mál og starf með börnum af erlendum uppruna.
• 11:30 – 12:40   Skoðunarferð um Fjölbrautarskólann í Breiðholti, sérstök áhersla á
                              innflytjendabraut.
• 14:30 – 15:30   Heimsókn í leikskólann Sólborg, Vesturhlíð 1, sérstök áhersla á
                              táknmál.
• 16:00    - 16:40  Norræna húsið. Opnun ISLEX – veforðabókarinnar.
• 17:00    - 18:00  Hátíðardagskrá í Gerðubergi.

Ráðherra afhendir Verðlaun Jónasar Hallgrímssonar  og sérstaka viðurkenningu fyrir störf í þágu íslensks máls.

•  Á vef dags íslenskrar tungu er að finna upplýsingar um hluta af því sem fram fer undir merkjum dagsins.

• Nánari upplýsingar veitir Áslaug Dóra Eyjólfsdóttir á skrifstofu menningarmála.