Starf í móttöku

Menntamálaráðuneyti auglýsir laust til umsóknar starf í móttöku ráðuneytisins. Um er að ræða fullt starf. Starfið felst m.a. í símsvörun, móttöku viðskiptavina, fjölritun, umsjón með póstþjónustu innanhúss og almennri fyrirgreiðslu. Leitað er eftir einstaklingi sem er gæddur þjónustulund, og er lipur í mannlegum samskiptum.

Æskilegt er að viðkomandi geti hafið störf sem fyrst. Laun greiðast samkvæmt launakerfi Félags starfsmanna stjórnarráðsins. Nánari upplýsingar veitir Kristín Jónsdóttir skrifstofustjóri upplýsinga- og þjónustusviðs.

Umsóknir með upplýsingum um menntun og starfsferil sendist menntamálaráðuneyti, Sölvhólsgötu 4, 150 Reykjavík. Umsóknarfrestur er til 5. febrúar 2008.