Hoppa yfir valmynd
21. maí 2010 Mennta- og barnamálaráðuneytið

Sérfræðingur á skrifstofu menntamála

Mennta- og menningarmálaráðuneyti auglýsir laust til umsóknar starf sérfræðings á skrifstofu menntamála.

Mennta- og menningarmálaráðuneyti auglýsir laust til umsóknar starf sérfræðings á skrifstofu menntamála. Um er að ræða fullt starf.

Leitað er að háskólamenntuðum einstaklingi með reynslu og þekkingu á starfsemi og rekstri framhaldsskóla. Í starfinu felst einkum umsjón með gerð samninga við framhaldsskóla um rekstur og þjónustu þeirra svo og tengd stjórnsýsluverkefni. Frumkvæði, sjálfstæð vinnubrögð, góð kunnátta í ensku og einu Norðurlandamáli og þekking á nýtingu upplýsingatækni eru nauðsynlegir kostir ásamt ritfærni og hæfni í mannlegum samskiptum.

Æskilegt er að viðkomandi geti hafið störf sem fyrst. Laun greiðast samkvæmt launakerfi Félags háskólamenntaðra starfsmanna stjórnarráðsins.

Umsóknir með ítarlegum upplýsingum um menntun og fyrri störf skulu hafa borist mennta- menningarmálaráðuneyti, Sölvhólsgötu 4, 150 Reykjavík, fyrir kl. 16:00, mánudaginn 7. júní 2010.

Nánari upplýsingar um starfið veitir Kristín Jónsdóttir, skrifstofustjóri upplýsinga- og þjónustusviðs í mennta- og menningarmálaráðuneyti.



Hafa samband

Ábending / fyrirspurn
Ruslvörn
Vinsamlegast svaraðu í tölustöfum