Verkefnisstjóri á skrifstofu menntamála

Mennta- og menningarmálaráðuneytið auglýsir lausa til umsóknar stöðu verkefnisstjóra um eflingu starfsmenntunar. Um er að ræða tímabundið starf til tólf mánaða.

   
 Mennta- og menningarmálaráðuneytið auglýsir lausa til umsóknar stöðu verkefnisstjóra um eflingu starfsmenntunar. Um er að ræða tímabundið starf til tólf mánaða. Verkið felur í sér útfærslu á stefnu ráðuneytisins um eflingu starfsmenntakerfisins og innviða þess í samráði við hlutaðeigandi nefndir ráðuneytisins, skóla og hagsmunaaðila. Nánar tiltekið felst í verkinu greining á stöðu starfsmenntunar á ýmsum sviðum, skipulagning viðburða, gerð kynningarefnis og ritun lokaskýrslu um verkefnið.

• Leitað er að háskólamenntuðum einstaklingi með reynslu og þekkingu á starfsmenntun.  Frumkvæði, sjálfstæð vinnubrögð, góð kunnátta í íslensku og ensku ásamt þekkingu á Evrópusamstarfi í starfsmenntun eru nauðsynlegir kostir ásamt ritfærni og hæfni í mannlegum samskiptum.

• Æskilegt er að viðkomandi geti hafið störf sem fyrst. Laun greiðast samkvæmt launakerfi Félags háskólamenntaðra starfsmanna stjórnarráðsins. Nánari upplýsingar veitir Arnór Guðmundsson skrifstofustjóri í mennta- og menningarmálaráðuneytinu.

Umsóknir með upplýsingum um menntun og starfsferil sendist mennta- og menningarmálaráðuneytinu, Sölvhólsgötu 4, 150 Reykjavík. Umsóknarfrestur er til 20. maí, 2011.