Hoppa yfir valmynd
28. júní 2011 Mennta- og barnamálaráðuneytið

Laust er til umsóknar starf lögfræðings á lögfræðisviði

Mennta- og menningarmálaráðuneytið auglýsir laust til umsóknar tímabundið starf lögfræðings á lögfræðisviði ráðuneytisins. Um er að ræða fullt starf í eitt ár vegna afleysinga.

Mennta- og menningarmálaráðuneytið auglýsir laust til umsóknar tímabundið starf lögfræðings á lögfræðisviði ráðuneytisins. Um er að ræða fullt starf í eitt ár vegna afleysinga.
Á lögfræðisviði reynir á lögfræðilega ráðgjöf innan ráðuneytisins, undirbúning stjórnsýsluúrskurða og ákvarðana um lögfræðileg málefni. Þar er enn fremur höfð umsjón með samningu lagafrumvarpa og reglugerða. Af hálfu ráðuneytisins annast lögfræðisvið lögformlega framkvæmd EES-samningsins og alþjóðlegra samninga sem heyra undir ráðuneytið og Ísland er aðili að. Sviðið kemur einnig að stefnumótun ráðherra í einstökum málum.
Ráðuneytið leitar að einstaklingi sem er jákvæður og reiðubúinn að takast á við krefjandi verkefni, góður í mannlegum samskiptum, er nákvæmur, skipulagður og sjálfstæður í vinnubrögðum.
Menntunarskilyrði eru embættispróf eða meistarapróf í lögfræði. Enn fremur er lögð áhersla á góða færni í ensku og a.m.k. einu Norðurlandamáli. Góð almenn tölvukunnátta er nauðsynleg og reynsla af störfum innan stjórnsýslunnar eða sambærilegum störfum er kostur.

  • Miðað er við að ráðið verði í stöðuna frá 1. september nk. Um kjör fer samkvæmt kjarasamningi fjármálaráðherra og Félags háskólamenntaðra starfsmanna Stjórnarráðsins.
  • Nánari upplýsingar um starfið veitir Jón Vilberg Guðjónsson skrifstofustjóri á lögfræðisviði. Umsóknir með upplýsingum um menntun og starfsferil sendist mennta- og menningarmálaráðuneyti, Sölvhólsgötu 4, 150 Reykjavík fyrir miðvikudaginn 27. júlí nk.  
  • Umsóknir um starfið gilda í sex mánuði

Hafa samband

Ábending / fyrirspurn
Ruslvörn
Vinsamlegast svaraðu í tölustöfum