Umsækjendur um embætti landsbókavarðar

Umsóknarfrestur um embætti landsbókavarðar rann út mánudaginn 4. desember sl. Menntamálaráðuneyti bárust sex umsóknir um stöðuna. Umsækjendur eru:

Axel Kristinsson, cand.mag. í sagnfræði,

Gísli Þór Gunnarsson, M.A. próf í sálfræði,

Steingrímur Jónsson, forstöðumaður,

Ingibjörg Steinunn Sverrisdóttir, sviðsstjóri,

Þorsteinn Hallgrímsson, aðstoðarlandsbókavörður og

Steinunn Harðardóttir, B.S. próf í iðnrekstrarfræði.

Miðað er við að menntamálaráðherra skipi í stöðuna til fimm ára frá 1. apríl 2007 og skal landsbókavörður skipaður úr hópi þeirra umsækjenda sem stjórn bókasafnsins telur hæfa, sbr. 1. mgr. 3. gr. laga um Landsbókasafn Íslands - Háskólabókasafn, nr. 71/1994.