Verklagsreglur um tilkynningaskyldu starfsmanna leik- grunn- og framhaldsskóla til barnaverndarnefnda
Til sveitarfélaga, skóla, skólaskrifstofa og ýmissa hagsmunaaðila
Síðastliðið vor var skipaður starfshópur sem í eiga sæti fulltrúar frá menntamálaráðuneyti, Sambandi íslenskra sveitarfélaga, Barnavernd Reykjavíkur og Barnaverndarstofu. Markmið starfshópsins var að semja leiðbeinandi verklagsreglur um tilkynningarskyldu starfsfólks leik-, grunn- og framhaldsskóla til barnaverndarnefnda. Barnaverndarlög nr. 80/2002 leggja ríka skyldu bæði á almenning og sérstaklega þá sem vinna með börnum að tilkynna til barnaverndarnefnda þegar grunur vaknar um að barn búi við vanrækslu eða ofbeldi eða stefni heilsu sinni og þroska í hættu.
Starfshópurinn leitaði umsagna m.a. hjá félögum leikskóla-, grunnskóla- og framhaldsskólakennara, Skólastjórafélagi Íslands, Félagi náms- og starfsráðgjafa, Félagi íslenskra skólafélagsráðgjafa, Félagi skólahjúkrunarfræðinga og Heimili og skóla.
Menntamálaráðuneytið væntir þess að reglurnar nýtist í starfi skóla.
Hjálagt sendast verklagsreglurnar. Jafnframt verður unnt að nálgast þær á vefjum Barnaverndarstofu, Sambands íslenskra sveitarfélaga og menntamálaráðuneytisins.
Fyrir hönd ráðherra
Sólrún Jensdóttir
Þórir Ólafsson
- Verklagsreglur um tilkynningaskyldu starfsmanna leik- grunn- og framhaldsskóla til barnaverndarnefnda (PDF - 56KB).