Upplýsingar um dagsetningar samræmdra könnunarprófa haustið 2011

Í lögum um grunnskóla nr. 91/2008 er kveðið á um að samræmd könnunarpróf í íslensku og stærðfræði skuli lögð fyrir alla nemendur í 4. og 7. bekk grunnskóla.

Til skólastjóra grunnskóla og skólanefnda

Í lögum um grunnskóla nr. 91/2008 er kveðið á um að samræmd könnunarpróf í íslensku og stærðfræði skuli lögð fyrir alla nemendur í 4. og 7. bekk grunnskóla. Jafnframt er kveðið á um að nemendur 10. bekkjar skuli á fyrri hluta skólaársins þreyta samræmd könnunarpróf í íslensku, ensku og stærðfræði.

Tilgangur samræmdra könnunarprófa í grunnskólum er m.a. að athuga að hvaða marki námsmarkmiðum aðalnámskrár í viðkomandi námsgrein eða námsþáttum hafi verið náð, vera leiðbeinandi um áherslur í kennslu fyrir einstaka nemendur og veita nemendum, foreldrum og skólum upplýsingar um námsárangur og námsstöðu nemenda.

Dagsetningar samræmdra könnunarprófa í 4., 7. og 10. bekk haustið 2011 verða sem hér segir:

10. bekkur

• Íslenska   mánudagur 19. september   
• Enska  þriðjudagur 20. september   
• Stærðfræði  miðvikudagur 21. september   

4. og 7. bekkur

• Íslenska   fimmtudagur 22. september   
• Stærðfræði  föstudagur 23. september   
    

Ákvörðun um prófdaga samræmdra könnunarprófa haustið 2010 var tekin í samráði við Námsmatsstofnun  sem sér um framkvæmd prófanna. Reglugerð um fyrirkomulag og framkvæmd samræmdra könnunarprófa er aðgengileg á heimasíðu ráðuneytisins: www.menntamalaraduneyti.is.

Nánari upplýsingar um prófin, s.s. tímasetningar, verða að finna í framkvæmdahefti og á vefsíðu Námsmatsstofnunar þegar nær dregur prófunum: http://www.namsmat.is/.