Íslenskt mál og íslensk málstefna Málþing 20. janúar 2009
Rannsóknarstofa í íslenskum fræðum og íslenskukennslu boðar til fyrsta málþings af þremur á vormisseri. Yfirskrift málþingsins er ,,Íslenskt mál og íslensk málstefna"
Rannsóknarstofa í íslenskum fræðum og íslenskukennslu boðar til fyrsta málþings af þremur á vormisseri. Yfirskrift málþingsins er „Íslenskt mál og íslensk málstefna".
Málþingið fer fram þriðjudaginn 20. janúar kl. 15-16:30 í Skriðu í Stakkahlíð, húsnæði Menntavísindasviðs Háskóla Íslands.
Með hliðsjón af nýútkomnum tillögum Íslenskrar málnefndar að íslenskri málstefnu og nýlegrar umræðu á Alþingi er afar brýnt að fjalla um stöðu móðurmálsins í stærsta vígi kennaramenntunar á Íslandi. Á þessu fyrsta málþingi af þremur gefst kærkomið tækifæri til að ígrunda mikilvæg atriði sem tengjast móðurmáli og kennslustefnu.
Dagskrá:
- Setning: Ingibjörg B. Frímannsdóttir lektor og stjórnarmaður í rannsóknarstofu í íslenskum fræðum og íslenskukennslu.
- Jón Torfi Jónasson forseti Menntavísindasviðs Háskóla Íslands: Málstefna Háskóla Íslands.
- Guðrún Kvaran formaður Íslenskrar málnefndar: Tillögur Íslenskrar málnefndar að íslenskri málstefnu.
- Sigurður Konráðsson prófessor: Er þörf á sérstakri málstefnu á Menntavísindasviði?
- Umræður.
Málþingið er öllum opið og á erindi við alla þá sem láta sig íslenska tungu varða.