Samningur um að vernda og styðja við fjölbreytileg menningarleg tjáningarform
Þrítugasti og þriðji fundur aðalráðstefnu Menningarmálastofnunar Sameinuðu þjóðanna (UNESCO), sem kom saman í París dagana 3.-21. október 2005, staðfestir að eitt af því sem einkennir mannkynið er menningarleg fjölbreytni, er sér þess meðvitandi að menningarleg fjölbreytni er sameiginleg arfleifð mannkyns og að hlúa beri að henni og varðveita í þágu allra manna.