Heildstæð menntun á umbrotatímum - menntaþing haldið 5. mars
Mennta- og menningarmálaráðuneyti stendur fyrir menntaþingi þann 5. mars nk. í Valsheimilinu að Hlíðarenda. Yfirskrift þingsins er Heildstæð menntun á umbrotatímum Tilgangur þingsins er að efna til opinnar umræðu um menntastefnu. Dagskrá þingsins verður tvíþætt. Kynntar verða áherslur í nýjum námskrám allra skólastiga og afrakstur af þjóðfundum um menntamál. Að því loknu verða reifuð og rædd ýmis álitamál sem varða breyttar aðstæður í skólasamfélaginu í málstofum.
Þess er vænst að þingið verði góður vettvangur til að fá upplýsingar um stöðu mála, stilla saman strengi og skiptast á skoðunum um ýmis álitamál sem tengjast menntun.
Dagskrá menntaþingsins: |
|
---|---|
11:30 | Skráning og kaffi |
12:00 | Ávarp ráðherra, Katrínar Jakobsdóttur |
12:20 | Grunnstoðir og viðmið í nýrri menntastefnu |
13:10 | Raddir af þjóðfundi um menntamál og frá Sóknaráætlun 2020 |
13:30 | Léttur hádegisverður |
14:00 |
Málstofur *)
a) Velferð í skólum - nemendur, kennarar og aðrir starfsmenn. Innlegg frá Guðna Olgeirssyni. b) Námslengd og skil milli skólastiga - endurskoðun eða óbreytt ástand? Innlegg frá Gerði G. Óskarsdóttur. c)Framhaldsskóli fyrir alla - markmið og leiðir. Innlegg frá Gesti Guðmundssyni. |
16:30 | Samantekt |
17:00 | Þingslit |
*) Hver þátttakandi velur sér tvær málstofur sem hvor um sig tekur um 70 mínútur. Hver málstofa hefst á stuttu innleggi um viðkomandi málefni sem fylgt verður eftir með umræðum og samantekt. Ýmsar upplýsingar sem varpa frekara ljósi á umræðuefnin verða kynntar á vef ráðuneytisins.
Skráning |
---|
Þátttaka í Menntaþingi verður takmörkuð við 300 þátttakendur. Skráning fer þannig fram að einstaklingar skrá sig á vef ráðuneytisins /menntathing/skraning/. Til að tryggja að fulltrúar allra hagsmunaaðila frá ólíkum stofnunum, samtökum og landshlutum komist á þingið verður valið úr hópnum.
|