Mikil aðsókn að leikhúsum

Hagstofan hefur birt upplýsingar um gestafjölda, sýningarfjölda og fleira fyrir leikárið 2010/2011. Á vef Hagstofunnar eru einnig sambærilegar tölur frá leikárinu 2000/2001. Aðsóknin er nokkuð sveiflukennd og svo virðist sem eitt vinsælt verk á fjölunum breytt niðurstöðunni verulega. Aðsóknin var mest leikárið 2009/2010 þegar rúmlega 305 þúsund manns sáu sviðverk en á leikárinu þar á eftir, 2010/2011 fór aðsóknin niður í rúmlega 260 þúsund gesti. Sjá yfirlit hér að neðan.

Í könnun sem gerð var á menningarneyslu Íslendinga haustið 2009 kom m.a. fram að um 60% svarenda höfðu farið í leikhús (þ.e. séð leikrit, óperu eða söngleik) síðustu 12 mánuði. Ef sama hlutfall landsmanna stendur að baki aðsókninni á leikárinu 2010/2011 má draga þá ályktun að leikhúsaðsókn sé mjög almenn meðal fólks og að líkindum einstætt að svo stórt hlutfall samfélags njóti listviðburða af þessu tagi.

• Sjá nánar á vef Hagstofunnar.