Sáttmáli um lýðræðis- og mannréttindamenntun
Í samræmi við tilmæli ráðherranefndar Evrópuráðsins, CM/Rec(2010)7 var sáttmáli um lýðræðis- og mannréttindamenntun, Charter on Education for Democratic Citizenship and Human Rights Education staðfestur af ráðherranefnd Evrópuráðsins árið 2010. Með þessari samþykkt allra aðildarþjóða í Evrópuráðinu er staðfest hlutverk menntunar til að stuðla að lýðræði og mannréttindum og vinna gegn hvers kyns ofbeldi og misrétti.
Sáttmálinn er nú birtur á vefsvæði mennta- og menningarmálaráðuneytisins í íslenskri þýðingu. Hann er ekki bindandi en er hugsaður sem leiðbeinandi tilmæli um skipulag lýðræðis- og mannréttindafræðslu í skólastarfi og annars staðar þar sem unnið er með ungu fólki. Hann getur einnig verið leiðbeinandi við innleiðingu grunnþátta í menntun og nýrra aðalnámskráa fyrir leikskóla, grunnskóla og framhaldsskóla.