Úthlutun styrkja fyrir verkefnið Nám er vinnandi vegur á árinu 2012
Á árinu 2012 veitti mennta- og menningarmálaráðuneyti styrki til að efla starfsmenntun til 86 verkefna, samtals að fjárhæð 171 millj. kr. samkvæmt ákvörðun ríkisstjórnarinnar um átakið Nám er vinnandi vegur. Styrkjunum er ætlað að efla starfstengt nám á framhalds- og háskólastigi og í framhaldsfræðslu. 45 aðilar sóttu um styrki til 117 verkefna, samtals um 246 millj. kr. Farið var yfir umsóknirnar í ráðuneytinu og tillaga um úthlutun lögð fyrir stýrihóp verkefnisins, sem ákvað að leggja til við ráðherra að úthlutað yrði styrkjum fyrir samtals 171.022.000 kr. til 86 verkefna.
Verkefnum var skipt í fjóra flokka í samræmi við skilgreiningar í auglýsingu:
- Hagnýting og þróun stuttra starfsnámsbraut á framhaldsskólastigi.
24 aðilar sóttu um til 69 verkefna, samtals um 153 millj. kr. Í þessum flokki voru 44 verkefni styrkt, samtals með 90.245.000 kr - Þróun sérhæfðs námsframboðs til þess að byggja ofan á færni og þekkingu til starfa á nýjum sviðum og fyrir hópa með sérþarfir.
12 aðilar sóttu um til 22ja verkefna, samtals um 45 millj. kr. Í þessum flokki voru 19 verkefni styrkt, samtals með 40.241.000 kr. - Þróun námsbrauta í starfsnámi á 4. þrepi viðmiðaramma samkvæmt aðalnámskrá framhaldsskóla.
7 aðilar sóttu um til 10 verkefna, samtals um 18 millj. kr. Í þessum flokki voru 8 verkefni styrk, samtals með 13.150.000 kr. - Greining á þörf mismunandi hópa, landssvæða og greina atvinnulífs fyrir starfsmenntun.
6 aðilar sóttu um til 16 verkefna, samtals um 30 millj. kr. Í þessum flokki voru 15 verkefni styrkt, samtals með 27.386.000 kr.
Við mat á umsóknum var m.a. horft til gæða þeirra, hvort um samstarf fræðsluaðila og/eða atvinnulífs var að ræða, hvort verkefni gætu talist raunhæf og hvort um nýsköpun eða þróun af einhverju tagi væri að ræða. Vinna við styrkt verkefni skulu fara fram skólaárið 2012-2013. Í nóvember 2012 var auglýst að nýju eftir umsóknum í sjóðinn. Gengið verður frá þeirri úthlutun í janúar-febrúar 2012.