Dagur íslenskra táknmálsins verður haldinn hátíðlegur í fyrsta sinn mánudaginn 11. febrúar 2013
Fjölbreytt dagskrá og viðburðir til að vekja athygli á íslenska táknmálinu, stöðu þess og möguleikum.
Degi íslenska táknmálsins verður fagnað í fyrsta sinn mánudaginn 11. febrúar 2013. Í skólum landsins, stofnunum og samtökum verður dagsins minnst með kynningu á íslensku táknmáli.
Kynningarefni er aðgengilegt á signwiki.is sem er þekkingarbrunnur um íslenskt táknmál.
Dagskrá mánudaginn 11. febrúar:
9:00 – 10:00 Katrín Jakobsdóttir mennta- og menningarmálaráðherra heimsækir leikskólann Sólborg og
Hlíðaskóla.
13:00 – 14:00 Íslenska smáforritið Táknmálsorðabók í símann þinn kynnt
Ótengd (off-line) útgáfa af signwiki og fleiri nýjungar verða kynntar á Samskiptamiðstöð heyrnarlausra
Grensásvegi 9, 3. hæð.
15:00 – 18:00 Málþing í Háskóla Íslands
Málþing verður haldið um málumhverfi heyrnarlausra barna á Íslandi á vegum Rannsóknarstofu í
táknmálsfræðum og Málnefndar um íslenskt táknmál. Þingið verður haldið í stofu 101 í Odda í
Háskóla Íslands og hefst kl 15. Vigdís Finnbogadóttir verndari norrænna táknmála mun opna þingið
og mennta- og menningarmálaráðherra Katrín Jakobsdóttir flytur ávarp. Málstofustjórar verða Júlía G.
Hreinsdóttir og Valgerður Stefánsdótti
15:00 Setning:
- Vigdís Finnbogadóttir verndari norrænna táknmála setur málþingið
- Börn úr leikskólanum Sólborg syngja á íslensku táknmáli
- Mennta- og menningarmálaráðherra flytur ávarp
15:30:
- Sigríður Sigurjónsdóttir: Ljáðu mér eyra eða auga: Áhrif málumhverfis á málþroska barna.
- Nemandi úr Hlíðaskóla flytur ljóð
16:00:
- Nedelina Ivanova: Málumhverfi heyrnarlausra barna: Fræðin og reynslan.
16:30-16:50 Kaffihlé
16:50:
- Júlía G. Hreinsdóttir: Döff - þjóð án landamæra
17:00:
- Hjördís Anna Haraldsdóttir: Á táknmál erindi í skólastofu? Staða táknmálsins í grunnskóla í gegnum tíðina
17:30:
- Heiðdís Dögg Eiríksdóttir og Arnar Ægisson: Táknmál er okkar hjartans mál
17:55:
- Arnar Ægisson: Döff menningaratriði – Hundurinn.
18:00 Málþingi lýkur.
Þögla kvöldið á Íslenska barnum, Pósthússtræti 9 kl 18:30
Þögla kvöldið verður á Íslenska barnum á vegum Félags heyrnarlausra frá kl. 18:30. Allir sem áhuga hafa á táknmáli eru velkomnir hvort sem þeir kunna eitthvað eða ekki. Samskipti eru ekki vandamál. Það þarf bara að þora að reyna og kynnast þannig nýjum heimi.
Laugardagur 9. febrúar – undirbúningur að degi íslenska táknmálsins
Táknmálskennsla í Kringlunni
Táknmálskennsla verður í Kringlunni á milli klukkan 13 og 15 laugardaginn 9. febrúar til þess að undirbúa daginn. Kennararnir verða á 2. hæðinni við Eymundsson og verslunina Share.