Fjölmiðlar og kosningar
skýrslu til mennta- og menningarmálaráðherra. Í skýrslunni er gerð grein fyrir tillögum nefnarinnar og einnig eru upplýsingar um nálgun hennar að viðfangsefninu og ábendingar um atriði sem þarfnast nánari athugunar í náinni framtíð.
Í nefndaráliti meirihluta allsherjar- og menntamálanefndar dags. 13. júní 2012, við umfjöllun á frumvarpi til laga um breytingu á fjölmiðlalögum nr. 38/2011, (599. mál á 140. löggjafarþingi) var lagt til að mennta- og menningarmálaráðherra skipaði nefnd um aðgang stjórnmálahreyfinga og frambjóðenda að fjölmiðlum í aðdraganda kosninga. Var nefndin skipuð fulltrúum sem tilnefndir voru af öllum stjórnmálaflokkum, sem sæti áttu á Alþingi, en formaður var skipaður af ráðherra án tilnefningar. Nefndarmenn voru:
- Finnur Beck, formaður, skipaður af ráðherra án tilnefningar,
- Björn Þorláksson, tilnefndur af þingflokki Vinstri hreyfingar græns framboðs,
- Eysteinn Eyjólfsson, tilnefndur af þingflokki Samfylkingarinnar,
- Friðrík Þór Guðmundsson, tilnefndur af þingflokki Hreyfingarinnar,
- Sunna Gunnars Marteinsdóttir, tilnefnd af þingflokki Framsóknarflokksins og
- Svanhildur Hólm Valsdóttir, tilnefnd af þingflokki Sjálfstæðisflokksins.
Nefndinni var ætlað að fjalla um athugasemdir Öryggis- og samvinnustofnunar Evrópu (OSCE) um framkvæmd kosninga til Alþingis árið 2009 og móta af því tilefni reglur um aðgang stjórnmálahreyfinga og frambjóðenda að fjölmiðlum í aðdraganda kosninga. Nefndin hélt 11 fundi og stóð m.a. fyrir opnu málþingi um viðfangsefni sitt í samstarfi við Stofnun stjórnsýslufræða og stjórnmála, og meistaranám í blaðamennsku við Háskóla Íslands.