Illugi Gunnarsson mennta- og menningarmálaráðherra viðstaddur vígslu ungbarnaleikskólans Ársólar sem heilsuskóla

Ársól er tveggja deilda leikskóli fyrir börn á aldrinum 9 mánaða til 3ja ára, sem starfar í Reykjavík. 

Ársól er tveggja deilda leikskóli fyrir börn á aldrinum 9 mánaða til 3ja ára, sem starfar í Reykjavík.  Markmið leikskólans er að stuðla að heilsueflingu leikskólasamfélagsins með áherslu á næringu, hreyfingu og listsköpun í leik. Ársól er það sem Samtök Heilsuleikskóla kalla leikskóli á heilsubraut og hann hefur núna uppfyllt þau markmið sem samtökin setja fyrir börn undir tveggja ára aldri til að skólinn geti kallað sig Heilsuleikskóla eða heilsueflandi leikskóla.

Ungbarnaleikskólinn Ársól starfar á vegum Skóla ehf. sem hafa sett sér heilsustefnu. Markmið Heilsustefnunnar er að auka gleði og vellíðan barnanna með áherslu á næringu, hreyfingu og listsköpun í leik. Hugmyndafræðin er sú að ef barn fær holla næringu og mikla hreyfingu, þá sprettur fram þörf til að skapa.  Markmið Heilsustefnunnar er jafnframt að stuðla að heilsueflingu í leikskólasamfélaginu.

• Nánari upplýsingar um Heilsustefnuna eru á vef Skóla ehf.