Undirritun samnings milli Íslands og Alþýðulýðveldisins Kína 19. júlí 2013
Í dag, 19. júlí, mun Illugi Gunnarsson, mennta- og menningarmálaráðherra, undirrita samning milli Íslands og Alþýðulýðveldisins Kína um samstarf þjóðanna á sviðum vísinda og tækni.
Tilgangur samningsins er að efla enn frekar samstarf landanna á þessum sviðum með heimsóknum og vistaskiptum vísindamanna og framhaldsnema, sameiginlegum rannsóknaverkefnum og samskiptum af öðru tagi eins og stofnun sameiginlegra rannsókna- og þróunarmiðstöðva. Í þessum tilgangi verður sett á fót sameiginleg nefnd landanna sem verður samningsaðilum til ráðgjafar um framkvæmd samningsins.
Fyrir hönd Alþýðulýðveldisins Kína mun hr. Cao Jianlin, aðstoðarráðherra Kína á sviði vísinda og tækni undirrita samninginn en með honum í för eru háttsettir embættismenn.
Undirritunin fór fram í Þjóðmenningarhúsinu kl. 15.00.