Undirritun samnings við Bandalag íslenskra skáta
Illugi Gunnarsson mennta-og menningarmálaráðherra og Bragi Björnsson skátahöfðingi undirrituðu samninginn
Illugi Gunnarsson mennta- og menningarmálaráðherra og Bragi Björnsson skátahöfðingi f.h. Bandalag íslenskra skáta, undirrituðu samning um ráðstöfun á framlagi á fjárlögum til reksturs Bandalagsins.
Í samningnum segir að markmiðið með stuðningi við Skátana sé að stuðla að því að þeir geti unnið að fjölþættum markmiðum sínum í þágu barna og ungmenna. Stuðningurinn tekur mið af uppeldislegu gildi starfsins og gildi starfsins í forvörnum.
Markmið skátahreyfingarinnar er að þroska börn og ungt fólk til að verða sjálfstæðir, virkir, hjálpsamir og ábyrgir einstaklingar í samfélaginu. Til þess að ná þeim markmiðum vinna skátar m.a. að margvíslegum verkefnum með börnum og ungmennum. Skátarnir veita aðildarfélögum sínum aðstoð, standa fyrir fræðslu til iðkenda og leiðtoga í skátastarfi auk þess að halda utan um fjölda virkra félaga í skátastarfi á Íslandi.
Skátafélögin hafi aðgerðaráætlun ef upp koma mál er tengjast kynferðislegu ofbeldi eða einelti. Í samningnum vekur ráðuneytið vekur athygli á mikilvægi þess að skátafélögin vinni gegn hatursorðræðu á netinu eða í starfinu.