Samningar undirritaðir um stuðning við bridge, skák og íþróttastarf fatlaðra

Í samningnum við Bridgesamband Íslands um ráðstöfun á framlagi á fjárlögum til starfsemi þess, segir m.a. að hlutverk þess sé að efla mótahald, útbreiðslu og fræðslu í bridge á landsvísu, auka upplýsingagjöf um bridge og koma fram erlendis fyrir hönd bridgehreyfingarinnar. Jafet S. Ólafsson forseti Brigdesambandsins ritaði undir samninginn fyrir hönd þess

Þá var undirritaður samningur við Íþróttasamband fatlaðra, um ráðstöfun á framlögum ríkisins til starfsemi þess og í honum segir m.a.: Meginmarkmið með stuðningi ríkisins við Íþróttasamband fatlaðra er að stuðla að því að fatlaðir eigi þess kost að iðka íþróttir við sem hagstæðust skilyrði og tekur mið af gildi íþróttaiðkunar fyrir uppeldis- og forvarnastarf eins og kveðið er á um í íþróttalögum. Íþróttasamband fatlaðra skal efla, samræma og skipuleggja íþróttastarfsemi meðal fatlaðra og koma fram fyrir hönd fatlaðra í erlendum samskiptum. Íþróttasamband fatlaðra vinnur að útbreiðslu og fræðslu viðkomandi íþróttagreina meðal fatlaðra á landsvísu. Samningsaðilar taka mið af stefnumótun ráðuneytisins í íþróttamálum á samningstímanum. Samninginn undirritaði Sveinn Áki Lúðvíksson formaður Íþróttasamband fatlaðra ásamt mennta- og menningarmálaráðherra.