Brottfall úr framhaldsskólum
Hagstofan hefur greint brottfall úr framhaldsskólum og er miðað við nemendur sem innrituðust í skóla haustið 2004 og hver staða þeirra er fjórum, sex og sjö árum síðar.
Hagstofan hefur greint brottfall úr framhaldsskólum og er miðað við nemendur sem innrituðust í skóla haustið 2004 og hver staða þeirra er fjórum, sex og sjö árum síðar. Í frétt frá Hagstofunni segir: Haustið 2004 hófu 4.830 nemar nám í dagskóla á framhaldsskólastigi á Íslandi. Fjórum árum síðar, árið 2008, höfðu 45% nýnemanna verið brautskráðir úr námi á framhaldsskólastigi sem var að minnsta kosti tvö ár að lengd. Þá höfðu tæp 28% nýnemanna hætt námi eða tekið sér tímabundið hlé og sama hlutfall var enn í námi án þess að hafa brautskráðst.
Fleiri ljúka námi í framhaldsskólum á höfuðborgarsvæðinu en utan þess. Þannig höfðu 49% þeirra nýnema, sem hófu nám í skólum á höfuðborgarsvæðinu haustið 2004 lokið námi árið 2008 en 37% þeirra sem hófu nám í skólum utan höfuðborgarsvæðisins. Fjórðungur nýnema á höfuðborgarsvæðinu hafði hætt námi án þess að útskrifast en tæpur þriðjungur nýnema í skólum utan höfuðborgarsvæðisins (sjá töflu).
Staða nýnema í dagskóla á framhaldsskólastigi árið 2004 fjórum, sex og sjö árum eftir innritun eftir staðsetningu skóla, % | ||||||
Fjöldi ára frá innritun | ||||||
Höfuðborgarsvæði | Utan höfuðborgarsvæðis | |||||
4 ár | 6 ár | 7 ár | 4 ár | 6 ár | 7 ár | |
Brautskráðir | 49 | 62 | 65 | 37 | 51 | 55 |
Enn í námi | 26 | 12 | 11 | 31 | 13 | 12 |
Brottfallnir | 25 | 26 | 24 | 32 | 36 | 33 |
Alls | 100 | 100 | 100 | 100 | 100 | 100 |