Hoppa yfir valmynd
22. september 2015 Mennta- og barnamálaráðuneytið

Þjóðarsáttmáli um læsi – hringnum lokað

Síðustu sveitarfélögin undirrituðu þjóðarsáttmála um læsi

IMG_0578-Sturla-ofl.

Með þessum undirritunum í dag hefur mennta- og menningarmálaráðherra lokið hringferð sinni um landið þar sem hann hefur kynnt skólafólki og sveitarstjórnarmönnum þjóðarsáttmálann um læsi og hvatt til samstarf um þetta mikilvæga verkefni.

Illugi Gunnarsson, mennta- og menningarmálaráðherra og fulltrúar þriggja sveitarfélaga á Vesturlandi skrifuðu undir þjóðarsáttmála um læsi í Bókasafni Akraness. Það voru Regína Ásvaldsdóttir bæjarstjóri Akraneskaupstaðar, Skúli Þórðarson sveitarstjóri í Hvalfjarðarsveit og Árni Hjörleifsson oddviti Skorradalshrepps sem undirrituðu þjóðarsáttmálann fyrir hönd sinna sveitarfélaga, ásamt Sylvíu Heru Skúladóttur fulltrúa Heimilis og skóla.

MYND: Skessuhorn/GRÞ

Í Stykkishólmi undirritaði ráðherra samninginn með fleiri sveitarfélögum á Vesturlandi og Vestfjörðum. Sturla Böðvarsson bæjarstjóri Stykkishólmsbæjar, Ásthildur Sturludóttir bæjarstjóri Vesturbyggðar, Ingibjörg Birna Erlingsdóttir sveitarstjóri Reykhólahrepps, Kristín Björg Árnadóttir, forseti bæjarstjórnar Snæfellsbæjar, Þorsteinn Steinsson bæjarstjóri Grundarfjarðarbæjar, Eggert Kjartansson oddviti Eyja- og Miklaholtshrepps og Hilmar Hallvarðsson varaoddviti Helgafellssveitar undirrituðu þjóðarsáttmálann fyrir hönd sinna sveitarfélaga, ásamt Ásdísi Árnadóttur fulltrúa Heimilis og skóla.




Hilmar Hallvarðsson varaoddviti Helgafellssveitar setur síðasta sáttmálann í Íslandskortið


Hafa samband

Ábending / fyrirspurn
Ruslvörn
Vinsamlegast svaraðu í tölustöfum