Hoppa yfir valmynd
23. febrúar 2011 Mennta- og barnamálaráðuneytið

Samstarf við Menntaskólann Hraðbraut ekki endurnýjað

Mennta- og menningarmálaráðuneytið hefur nú lokið endurskoðun á samstarfi sínu við Menntaskólann Hraðbraut og telur ekki forsendur fyrir endurnýjun á þjónustusamningi við skólann.

Helstu atriði:

  • Þjónustusamningur við Menntaskólann Hraðbraut verður ekki endurnýjaður.
  • Nemendum verður gert kleift að ljúka námi sínu við skólann.
  • Uppgjör vegna ofgreiddra ríkisframlaga fer fram við lok núgildandi samnings. 

Mennta- og menningarmálaráðuneytið hefur nú lokið endurskoðun á samstarfi sínu við Menntaskólann Hraðbraut og telur ekki forsendur fyrir endurnýjun á þjónustusamningi við skólann. Þessi niðurstaða byggir einkum á skýrslu Ríkisendurskoðunar um framkvæmd þjónustusamnings við Hraðbraut, áliti menntamálanefndar Alþingis og viðræðum sem ráðuneytið hefur átt í við forsvarsmenn skólans.

Mennta- og og menningarmálaráðuneytið hefur náð samkomulagi við forsvarsmenn Menntaskólans Hraðbrautar um að nemendur sem hófu nám sl. haust verði gert kleift að ljúka námi sínu við skólann á vorönn 2012. Byggir þetta samkomulag á ströngum skilyrðum sem eiga sér stoð í fyrrgreindum álitsgerðum Ríkisendurskoðunar og menntamálanefndar Alþingis. Engin röskun verður því á stöðu nemenda sem nú stunda nám við skólann vegna þessa.

Uppgjör vegna ofgreiddra fjárframlaga mennta- og menningarmálaráðuneytis til Menntaskólans Hraðbrautar mun fara fram við lok gildistíma núgildandi þjónustusamnings þann 31. júlí næst komandi.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum