HringÞing um menntamál innflytjenda í leikskólum, grunnskólum, framhaldsskólum, háskólum og fullorðinsfræðslu 

Nánari upplýsingar um dagskrá og skráningu verða auglýstar síðar.

Drög að dagskrá

Markmið

• Skapa samræðuvettvang þeirra sem koma að menntamálum innflytjenda.
• Draga fram stöðuna í menntamálum innflytjenda á öllum skólastigum.
• Kalla eftir forgangsröðun verkefna í þróun menntunar innflytjenda.
• Fá kynningar á fyrirmyndarverkefnum í námi og kennslu innflytjenda á öllum skólastigum.
• Greina forgangsverkefni fyrir væntanlega framkvæmdaáætlun ríkis og sveitarfélaga.

Þátttakendur

Fulltrúar innflytjenda, kennarar, stjórnendur og aðrir sem tengjast á einhvern hátt leik-, grunn-, framhalds- og háskólastigi og fullorðinsfræðslu. Stjórnendur og stefnumótandi aðilar hjá ríki og sveitarfélögum sem vinna að mótun og framkvæmd stefnu á ýmsum sviðum menntunar innflytjenda.

HringÞingið er öllum opið og eru foreldrar, nemendur og aðrir áhugasamir hvattir til að taka þátt.

Kynning á fyrirmyndarverkefnum

Þátttakendum er gefinn kostur á að kynna áhugaverð og hagnýt verkefni sem tengjast menntamálum innflytjenda á HringÞinginu. Upplýsingar um verkefni sendist fyrir 15. júní 2012.

• Umsókn um kynningarrými.

• Hafið samband

Að HringÞinginu standa: Innflytjendaráð, velferðarráðuneytið, mennta- og menningarmálaráðuneytið, Þjónustumiðstöð Miðborgar og Hlíða, Skóla- og frístundasvið Reykjavíkurborgar,  Fjölmenningarsetur, Tungumálatorg, Háskóli Íslands, Þjónustumiðstöð Breiðholts og Samband íslenska sveitarfélaga