Dagur íslenska táknmálsins
Deginum er ætlað að vekja athygli á íslenska táknmálinu, stöðu þess og möguleikum.
Í tilefni af degi íslenska táknmálsins í dag 11. febrúar mun Málnefnd um íslenskt táknmál, í samstarfi við Samskiptamiðstöð heyrnarlausra og heyrnarskertra og Félag heyrnarlausra, standa fyrir menningar- og listviðburði í Tjarnarbíói.
Húsið opnar kl. 16:15 og dagskrá á sal hefst kl. 16:45 og stendur til 18:00. Gestum verður boðið upp á áframhaldandi skemmtun og léttar veitingar á kaffihúsi Tjarnarbíós að sýningu lokinni. Húsið verður opið til kl. 20:00.