Umsækjendur um lausa stöðu skólameistara Framhaldsskólans á Laugum

Umsóknarfrestur um stöðu skólameistara Framhaldsskólans á Laugum rann út föstudaginn 7. ágúst sl. Mennta- og menningarmálaráðuneyti bárust fjórar umsóknir um stöðuna. Umsækjendur eru:

Eyjólfur Pétur Hafstein,
Jóney Jónsdóttir,
Sigurbjörn Árni Arngrímsson og
Sigurlína H. Styrmisdóttir.

Miðað er við að mennta- og menningarmálaráðherra skipi í stöðuna til fimm ára frá 15. september nk., að fenginni umsögn hlutaðeigandi skólanefndar, sbr. 1. mgr. 6. gr. laga um framhaldsskóla, nr. 92/2008 og lög um réttindi og skyldur starfsmanna ríkisins nr. 70/1996, með síðari breytingum.