Starfsleyfi

Licence applications for teachers in English can be found on the Ministry's English website

Hér má sjá þær greinar sem njóta lögverndaðs starfsheitis og þurfa starfsleyfi mennta- menningarmálaráðherra

Leyfisgjald að upphæð kr. 8.300 verður innheimt með greiðsluseðli þegar umsóknin hefur verð samþykkt. Afgreiðslufrestur er 3 vikur. Leyfisbréfið verður sent þegar greiðsla hefur verið innt af hendi.

Ný lög um menntun og ráðningu, kennara og skólastjórnenda við leikskóla, grunnskóla og framhaldsskóla nr. 87/2008 öðluðust gildi 1. júlí 2008. Frá sama tíma falla úr gildi lög nr. 86/1998, um lögverndun á starfsheiti og starfsréttindum grunnskólakennara, framhaldsskólakennara og skólastjóra.

Ákvæði 3., 4. og 5. gr. hinna nýju laga, sem kveða á um menntun kennara, taka til þeirra sem hefja (skrá sig í) nám eftir gildistöku laga þessara. Það þýðir að fram til 1. júlí 2011 skulu þeir sem fá leyfisbréf til kennslu í leik-, grunn- og framhaldsskólum hafa lokið bakkalárprófi og tilskildu námi í uppeldis- og kennslufræðum. Eftir þann tíma skulu þeir sem fá leyfisbréf hafa lokið meistaraprófi eða jafngildu námi.

Grunn- og framhaldsskólakennarar með leyfisbréf við gildistöku nýrra laga halda fullum réttindum til jafns við þá sem öðlast starfsréttindi grunn- og framhaldsskólakennara samkvæmt nýjum lögum.

*Athygli er vakin á því að útfyllt eyðublað þarf að undirrita og senda ráðuneytinu í pósti, ásamt staðfestum ljósritum af nauðsynlegum gögnum. Ekki er tekið við umsóknum í faxi eða tölvupósti