Embætti safnstjóra Náttúruminjasafns Íslands
Náttúruminjasafn Íslands er höfuðsafn á sviði náttúrufræða. Hlutverk safnsins er að varpa ljósi á náttúru Íslands, náttúrusögu landsins, nýtingu náttúruauðlinda og náttúruvernd. Náttúruminjasafnið safnar í þessu skyni munum, skráir þá og varðveitir, aflar upplýsinga um náttúru Íslands og nýtingu náttúruauðlinda innan lands og utan. Safnið annast kynningu á náttúru Íslands með sýningum og annarri fræðslustarfsemi fyrir skóla, fjölmiðla og almenning. Náttúruminjasafn Íslands veitir öðrum náttúruminjasöfnum ráðgjöf, stuðlar að samvinnu þeirra hér á landi, á samstarf við vísinda- og rannsóknastofnanir á sviði náttúrufræða á vegum ríkisins og annarra aðila og vinnur að samræmdri safnastefnu á sviði náttúrufræða, jafnframt því sem safnið annast rannsóknir á starfssviði sínu.
Starfs- og ábyrgðarsvið:
- Safnstjóri Náttúruminjasafns Íslands er forstöðumaður og stjórnandi safnsins
- Safnstjóri mótar stefnu safnsins
- Safnstjóri situr í safnaráði samkvæmt stöðu sinni
- Hann er ábyrgur gagnvart ráðherra fyrir fjárhagslegum rekstri og starfsemi safnsins.
Menntunar- og hæfniskröfur:
- Háskólamenntun sem nýtist í starfi
- Staðgóð þekking á starfsemi safna nauðsynleg
- Þekking og reynsla af stjórnsýslu ásamt stjórnunarreynslu æskileg
- Góð íslensku- og enskukunnátta, kunnátta í einu Norðurlandamáli æskileg
- Rík áhersla er lögð á styrkleika í samvinnu og samskiptum
- Frumkvæði og metnaður til að ná árangri í starfi
- Sjálfstæði, nákvæmni og ögun í vinnubrögðum.
Mennta- og menningarmálaráðherra skipar safnstjóra Náttúruminjasafns Íslands til fimm ára í senn, sbr. 1. mgr. 5. gr. laga um Nátttúruminjasafn Íslands, nr. 35/2007 og lög um réttindi og skyldur starfsmanna ríkisins, nr. 70/1996.
- Gert er ráð fyrir að skipað verði í embættið frá og með 1. maí nk.
- Um laun og starfskjör safnstjóra fer eftir ákvörðun kjararáðs, sbr. lög um kjararáð, nr. 47/2006.
Umsóknir með ítarlegum upplýsingum um menntun og fyrri störf ásamt greinargerð um hugmyndir umsækjanda um stefnu safnsins skulu hafa borist mennta- og menningarmálaráðuneyti,
Sölvhólsgötu 4, 150 Reykjavík,
föstudaginn 14. desember 2012.